काठमाडौं - नेपाली महिला फुटबल टोलीकी खेलाडी अमिशा कार्कीलाई बंगलादेशविरुद्धको फाइनलमा गोल गर्दै नेपाललाई ऐतिहासिक सफलता दिलाएबापत १ लाख नगदसहित सम्मान गरिएको छ। एसएस फाउन्डेसनले बानेश्वरमा विशेष कार्यक्रम आयोजना गर्दै अमिशालाई नगद पुरस्कार र सम्मानपत्रले सम्मानित गर्यो।
एसएस फाउन्डेसनका संरक्षक शोभित उप्रेती र अध्यक्ष, वरिष्ठ कलाकार मदनदास श्रेष्ठले अमिशालाई सम्मान प्रदान गरे। उनले साफ महिला च्याम्पियनसिपको फाइनलमा अमूल्य योगदान दिएकी थिइन् र उनको प्रदर्शनले नेपालको महिला फुटबलमा नयाँ जोश भरेको छ।
कार्यक्रममा अमिशाले भावुक हुँदै प्रशंसकहरूको समर्थनप्रति आभार व्यक्त गरिन् र आगामी प्रतियोगितामा उपाधि जित्ने लक्ष्यमा प्रतिबद्धता जनाइन्। फाउन्डेसनका संरक्षक उप्रेतीले खेलाडीहरूको परिश्रम र लगावलाई प्रोत्साहित गर्न यस्तो सम्मानको आवश्यकतालाई जोड दिए।
फाउन्डेसनले प्रतिभाशाली खेलाडीहरूलाई प्रोत्साहन गर्नुका साथै समाजमा योगदान पुर्याउने व्यक्तित्वलाई पनि सम्मान गर्दै आएको छ।
- Jigyasa media
