काठमाडौं । हङकङ सिक्सेस क्रिकेट प्रतियोगिताको उपाधि श्रीलंकाले जितेको छ। फाइनलमा पाकिस्तानलाई तीन विकेटले पराजित गर्दै श्रीलंकाले च्याम्पियनको उपाधि हात पारेको हो।
टस हारेर ब्याटिङ गरेको पाकिस्तानले पाँच ओभर दुई बलमा सबै विकेट गुमाउँदै ७२ रन मात्र बनाएको थियो। ७३ रनको लक्ष्य लिएर मैदानमा उत्रिएको श्रीलंकाले पाँच ओभरभित्र तीन विकेट गुमाएर जित हासिल गर्यो।
प्रतियोगिताको सेमिफाइनल चरणमा पाकिस्तानले अष्ट्रेलियालाई र श्रीलंकाले बाङ्ग्लादेशलाई पराजित गर्दै फाइनल यात्रा तय गरेका थिए। नेपाल भने क्वाटरफाइनलमा श्रीलंकासँग र प्लेट सेमिफाइनलमा युएईसँग पराजित हुँदै प्रतियोगिताबाट बाहिरिएको थियो। यद्यपि, समूह चरणमा नेपालले इङ्ल्याण्ड र अष्ट्रेलियालाई हराउँदै समूह विजेताको रूपमा उत्कृष्ट प्रदर्शन गरेको थियो।
- Jigyasa media
