काठमाडौं। सातदोबाटोस्थित एन्फा कम्प्लेक्समा जारी साफ यू-२० च्याम्पियनसिप अन्तर्गत समूह बी को खेलमा आज भुटानले माल्दिभ्सलाई २-१ गोल अन्तरले पराजित गरेको छ। यो जितसँगै भुटानको सेमिफाइनलमा पुग्ने सम्भावना अझै जीवित रहेको छ।
अब समूह बी बाट सेमिफाइनलमा पुग्ने टुंगो शुक्रबार हुने भारत र माल्दिभ्सबीचको खेलपछि लाग्नेछ। प्रतियोगिताको समूह ए बाट भने नेपाल र बंगलादेश सेमिफाइनलमा प्रवेश गरिसकेका छन्, जबकि श्रीलंका प्रतियोगिताबाट बाहिरिएको छ।
नेपालसहित ६ देश सहभागी यस प्रतियोगितामा नेपाल समूह ए मा बंगलादेश र श्रीलंकासँग प्रतिस्पर्धा गर्दैछ
- Jigyasa media
