१४ असोज, काठमाडौं – नेपालले त्रिकोणात्मक टी-२० आई सिरिजमा ओमानलाई ३७ रनले हराउँदै क्यानडा भ्रमणमा पहिलो जित हासिल गर्यो।
नेपालले १७६ रनको लक्ष्य प्रस्तुत गरेपछि ओमान १९.१ ओभरमा १३९ रनमा अल आउट भयो। ओमानका शोएब खानले ३९ बलमा ४ चौका र २ छक्का सहित ४५ रन बनाउँदा, अन्य खेलाडीले अपेक्षित प्रदर्शन गर्न सकेनन्।
नेपालका करण केसीले ४ ओभरमा ३६ रन खर्चेर ३ विकेट लिए। गुलशन झाले २.१ ओभरमा १४ रनमा २ विकेट लिए। कुशल भुर्तेल, रिजन ढकाल, दीपेन्द्रसिंह ऐरी, र सन्दीप लामिछानेले १-१ विकेट लिए।
नेपालले पहिलो ब्याटिङ गर्दै २० ओभरमा ६ विकेट गुमाउँदै १७६ रन बनाएको थियो। तल्लोक्रममा गुलशनले १७ बलमा ३ चौका र ३ छक्का सहित ४० रन बनाए। दीपेन्द्रसिंह ऐरीले ५ बलमा १८ रन बनाए।
ओमानका अकिब इलियासले ४ ओभरमा ३२ रन खर्चेर ३ विकेट लिए। अब नेपालले मंगलबार क्यानडा र बुधबार ओमानसँग पुनः खेल्नेछ।
- reporter
