काठमाडौं । सुदूरपश्चिम प्रदेश सरकारले प्रस्तुत गरेको चालु आर्थिक वर्ष २०८१/८२ को बजेट प्रदेश सभाबाट बहुमतले पारित भएको छ।
गत भदौ ३१ गते आर्थिक मामिलामन्त्री बहादुरसिंह थापाले पेस गरेको ३१ अर्ब ६२ करोड रुपैयाँ बराबरको बजेटमा विभिन्न असन्तुष्टि भए पनि आइतबार प्रदेश सभाले बहुमतले स्वीकृति दिएको हो। बजेटमाथि छलफलको क्रममा सत्तारूढ दलका केही सदस्यहरूले आपत्ति जनाए पनि अन्ततः समर्थनको निर्णयमा पुगे।
तर, प्रमुख प्रतिपक्षी दल नेकपा माओवादी केन्द्र र नेकपा एकीकृत समाजवादी पार्टीका प्रदेश सभा सदस्यहरूले भने विपक्षमा मतदान गरेका थिए।
- Jigyasa media
