काठमाडौँ । साताको पहिलो कारोबार दिन आइतबार सेयरबजारमा गिरावट देखिएको छ। नेपाल स्टक एक्सचेन्ज (नेप्से) परिसूचक १०.२९ अंकले घटेर २६१०.६३ विन्दुमा झरेको छ।
नेप्सेका अनुसार आज बजारमा करिब ५ अर्ब रुपैयाँ बराबरको सेयर कारोबार भएको छ। कुल १ करोड कित्ता सेयर किनबेच हुँदा उक्त परिमाणको कारोबार भएको हो।
आजको कारोबारमा ७९ कम्पनीको सेयर मूल्य बढेको, १७१ कम्पनीको घटेको र ९ कम्पनीको मूल्य स्थिर रहेको छ। समग्र बजार ओरालो लागे पनि केही कम्पनीका लगानीकर्ताले उल्लेख्य नाफा कमाएका छन्।
बढ्ने सेयरमध्ये विन नेपाल लघुवित्त र श्रीनगर एग्रिटेक का सेयरधनीले १० प्रतिशतको हाराहारीमा आम्दानी गरेका छन्। यसैगरी सान्भी इनर्जी को सेयर मूल्य ९.१६ प्रतिशतले बढेको छ।
त्यस्तै सागर डिस्टिलरी को सेयर ७.८३ प्रतिशत र युनाइटेड आईडीआई मार्दी हाइड्रोपावर को सेयर ७.७० प्रतिशतले वृद्धि भएको छ।
आज बजारमा अधिकतम ४.३२ प्रतिशतसम्मको गिरावट देखिएको छ। कारोबार रकमका आधारमा एसवाई प्यानल अग्रस्थानमा रहेको छ। उक्त कम्पनीको मात्रै ३० करोड रुपैयाँ बराबरको कारोबार भएको नेप्सेले जनाएको छ।
कारोबारमा अग्रस्थानमा रहेका अन्य कम्पनीहरूमा श्रीनगर एग्रिटेक (२२ करोड), बन्दीपुर केबलकार (२२ करोड), एनआईसी एसिया बैंक (२१ करोड) र सागर डिस्टिलरी (१८ करोड) रहेका छन्।
लगातारको उतारचढावबीच बजारको आगामी दिशा आर्थिक सूचक, लगानीकर्ताको मनोविज्ञान र नीतिगत संकेतले निर्धारण गर्ने विश्लेषकहरू बताउँछन्।
-
Jigyasanepal
