काठमाडौं, चैत १९ – नेपालमा पश्चिमी तथा स्थानीय वायुको आंशिक प्रभाव रहेको छ, जसका कारण केही स्थानमा मौसम बदली भएको छ।
मंगलबार बिहान कोसी, गण्डकी र कर्णाली प्रदेशका पहाडी क्षेत्रमा आंशिक बदली देखिएको मौसम पूर्वानुमान महाशाखाले जनाएको छ। बाँकी भूभागमा भने मौसम मुख्यतया सफा रहेको छ।
महाशाखाका अनुसार आज दिउँसो पनि यी तीन प्रदेशका पहाडी क्षेत्रमा आंशिक बदली रहनेछ, तर देशका अन्य भूभागमा मौसम सामान्य रहन्छ।
यसैगरी, कोसी र गण्डकी प्रदेशका उच्च पहाडी तथा हिमाली क्षेत्रका केही स्थानमा हल्का हिमपात हुनसक्ने सम्भावना रहेको बुलेटिनमा उल्लेख छ।
रातिको समयमा भने बागमती, गण्डकी र लुम्बिनी प्रदेशमा आंशिक बदली हुने तथा अन्य क्षेत्रमा मौसम सामान्य रहने महाशाखाले जनाएको छ। कोसी र गण्डकी प्रदेशका उच्च पहाडी तथा हिमाली क्षेत्रमा पनि हल्का हिमपातको सम्भावना छ।
- Jigyasa media
