काठमाडौं – काठमाडौं महानगरपालिका–८, राममन्दिर क्षेत्रमा रहेको एक किराना तथा चटपटे पसलमा गएराति आगलागी भएको छ। सौभाग्यविक्रम शाहको घरमा सञ्चालन हुँदै आएको उक्त पसलमा दीपावलीको अवसरमा बालिएको बत्तीबाट आगलागी भएको अनुमान गरिएको छ।
गौशाला प्रहरी वृत्तका अनुसार, आगलागीबाट चार लाख रुपैयाँभन्दा बढीको क्षति भएको छ। घटनामा कुनै मानवीय क्षति नभएको पुष्टि गरिएको छ। आगो नियन्त्रणका लागि रामहिटीको दमकल प्रयोग गरिएको थियो र राति नै आगो नियन्त्रणमा लिइएको थियो।
तिहारको लक्ष्मी पूजाका दिन घर, पसल, तथा कार्यालयहरूलाई झिलिमिली पार्ने क्रममा असावधानीबस यस्ता आगलागीका घटनाहरू बढ्नसक्ने देखिएको छ।
- Jigyasa media
