काठमाडौं, १७ माघ – अमेरिकी राष्ट्रपति डोनाल्ड ट्रम्पले सबै प्रकारका वैदेशिक अनुदान सहायता रोक्ने निर्णयलाई स्थगित गरिएको छ। अदालतको आदेशपछि ह्वाइटहाउस यस निर्णयबाट पछि हट्न बाध्य भएको हो।

ट्रम्पले आफ्नो कार्यकालको प्रारम्भमा ९० दिनका लागि विदेशी अनुदान वितरण रोक्ने निर्णय गरेका थिए। उक्त निर्णय कार्यान्वयनका लागि विश्वभरका अमेरिकी सहायता परियोजनाहरूमा पत्राचार समेत गरिएको थियो।

तर, अनुदान रोकिएमा लाखौं मानिस प्रभावित हुने भन्दै अमेरिकाको जिल्ला अदालतकी न्यायाधीश लोरेन अली खानले उक्त निर्णय तत्काल रोक्न आदेश दिएकी छन्। बीबीसीका अनुसार, ट्रम्प प्रशासनको यो कदमले स्वास्थ्य, शिक्षा, र विकास परियोजनाहरू बन्द हुने तथा हजारौं मानिस रोजगारी गुमाउने अवस्थामा पुगेको भन्दै अदालतमा उजुरी परेको थियो।

यसैबीच, विभिन्न मुलुकमा अमेरिकी अनुदान सहयोगमा आश्रित परियोजनाहरू पुनः सञ्चालन हुने सम्भावना देखिएको छ। अदालतको आदेशपछि ह्वाइटहाउसले सहायता रोक्ने निर्णय तत्काल कार्यान्वयन नगर्ने संकेत गरेको छ।

• Jigyasa media