असार १३, २०८२ | शुक्रवार | काठमाडौँ

नेपालका अधिकांश भू–भागमा आज भारी वर्षा हुनसक्ने जल तथा मौसम विज्ञान विभागले जनाएको छ। पाँच प्रदेशमा हावाहुरीको जोखिम पनि रहेको छ।

विहान ६ बजे जारी गरिएको विभागको बुलेटिन अनुसार, आज दिउँसो र राति दुवै समय देशभर मौसम अस्थिर रहने अनुमान गरिएको छ। विशेषगरी गण्डकी, लुम्बिनी, कर्णाली र सुदूरपश्चिम प्रदेशका साथै कोसी र बागमती प्रदेशका पहाडी क्षेत्रमा भारी वर्षाको सम्भावना औँल्याइएको छ।

दिउँसोको अवस्था:

गण्डकी, लुम्बिनी, कर्णाली र सुदूरपश्चिम प्रदेशका केही स्थानमा चट्याङसहित हल्कादेखि मध्यम वर्षा।

कोसी र बागमतीका पहाडी भूभागमा एक–दुई स्थानमा भारी वर्षाको सम्भावना।

तराई भूभागमा हावाहुरी चल्न सक्ने खतरा, विशेष गरी कोसी, बागमती, गण्डकी, लुम्बिनी र मधेस प्रदेशमा।

 रातिको पूर्वानुमान:

कोसी, बागमती, गण्डकी, लुम्बिनी र सुदूरपश्चिम प्रदेशका धेरै स्थानमा चट्याङसहितको वर्षा।

कोसी, गण्डकी, लुम्बिनी र सुदूरपश्चिमका केही स्थानमा भारीदेखि धेरै भारी वर्षाको जोखिम।

उच्च पहाडी तथा हिमाली भूभागमा वर्षा वा हिमपात हुने सम्भावना।

🌧 वर्षाको मापदण्ड:

मौसमविद्का अनुसार—

१० मिमीभन्दा कम: हल्का वर्षा

१०–५० मिमी: मध्यम वर्षा

५०–१०० मिमी: भारी वर्षा

१००–२०० मिमी: धेरै भारी वर्षा

२०० मिमीभन्दा बढी: अति भारी वर्षा

📌 कुन ठाउँ कति प्रभावित?

‘एक–दुई स्थान’ भन्नाले प्रदेशको १०% भन्दा कम क्षेत्रफल

‘थोरै स्थान’ भनेको १०–३०% क्षेत्रफल

‘केही स्थान’ भनेको ३०–५०% क्षेत्रफल

‘धेरै स्थान’ भनेको ५०–८०% क्षेत्रफल

‘अधिकांश स्थान’ भनेको ८०% भन्दा बढी क्षेत्रफल

यात्रा, खेतीपाती, तथा खुला क्षेत्रमा रहने कार्य गर्दा सतर्कता अपनाउन मौसम विभागले आग्रह गरेको छ। नदी–नाला आसपासका बासिन्दालाई बाढी र पहिरोको सम्भावनालाई ध्यानमा राखी सजग रहन समेत आग्रह गरिएको छ।

• Jigyasanepal