बागलुङ । रुकुम पूर्वबाट काठमाडौं जाँदै गरेको ना ८ ख ८४१४ नम्बरको रात्रि बस बागलुङको निसीखोला गाउँपालिका-६ स्थित जाहुलेपानीमा बुधबार दिउँसो दुर्घटनामा परेको छ।
जिल्ला प्रहरी कार्यालय बागलुङका अनुसार, दुर्घटनामा परेर २१ जना घाइते भएका छन्। सूचना अधिकारी प्रहरी नायब उपरीक्षक विजय यादवले घटनास्थलमा प्रहरी टोली उद्धार कार्यमा संलग्न रहेको जानकारी दिएका छन्।
बसमा ४५ जना यात्रु सवार रहेको र घाइतेहरूलाई उपचारका लागि प्राथमिक स्वास्थ्य केन्द्र बुर्तिबाङ पठाइएको छ। घाइतेहरूको नामावली भने खुल्न बाँकी रहेको डीएसपी यादवले बताएकाछन्।
- Jigyasa media
