काठमाडौं, असोज १८ – बाढी, पहिरो, र डुवानबाट गम्भीर क्षति भएका १४ जिल्लाका पालिकाहरूलाई संकटग्रस्त क्षेत्र घोषणा गर्न सिफारिस गरिएको छ। राष्ट्रिय विपद जोखिम न्युनिकरण तथा व्यवस्थापन प्राधिकरणको कार्यकारी समितिको बैठकले यी जिल्लाहरूलाई तत्काल संकटग्रस्त क्षेत्र घोषणा गर्न सरकारलाई सिफारिस गरेको हो।
गृहमन्त्री रमेश लेखकको अध्यक्षतामा बसेको उक्त बैठकले पाँचथर, ओखलढुंगा, सर्लाही, रौतहट, सिन्धुली, मकवानपुर, चितवन, ललितपुर, सिन्धुपाल्चोक, धादिङ, दोलखा, रामेछाप, र काभ्रेका केही स्थानीय तहहरूलाई विशेष प्राथमिकतामा राखेर तीन महिनाका लागि संकटग्रस्त क्षेत्र घोषणा गर्न प्रस्ताव गरेको छ।
प्रभावित जिल्लाहरूमा बाढी र पहिरोले जनधनको ठूलो क्षति भएको छ, र भौतिक पुनर्स्थापना तथा पुनर्निर्माणका कार्यहरूलाई गति दिन यस कदमलाई तत्काल अघि बढाउन सिफारिस गरिएको छ। सम्भवत, मन्त्रिपरिषद्को बैठकले आजै यो सिफारिसलाई अनुमोदन गर्ने अपेक्षा छ।
यस कदमले ती पालिकाहरूमा आवश्यक राहत, पुनर्निर्माण, र उद्धार प्रयासहरूमा थप प्रभावकारी सहायता पुर्याउने विश्वास गरिएको छ।
- Jigyasa media
