काठमाडौँ ।भारतको उत्तरी राज्य बिहारमा विषाक्त मदिरा सेवनका कारण कम्तीमा २० जनाको मृत्यु भएको छ। बिहारको सिवान जिल्लामा यो घटना भएको हो। एसपी अमितेश कुमारका अनुसार प्रारम्भिक अनुसन्धानले विषाक्त रक्सी सेवनबाट ज्यान गएको पुष्टि गरेको छ।
चाप्राका प्रहरी अधिकारी कुमार आशिषले घटनाको थप अनुसन्धानका लागि विशेष टोली गठन गरिएको जानकारी दिए। यस क्रममा तीन जनालाई पक्राउ गरिएको छ भने आठ जनाविरुद्ध जाहेरी दर्ता गरिएको छ।
अक्टोबर १५ मा विषाक्त मदिरा सेवन गरेपछि स्वास्थ्यमा समस्या देखिएका बिरामीमध्ये केहीलाई बुधबार साँझ अस्पताल ल्याइएको र त्यही बेलामा मृत्यु भएको जानकारी मृतकका आफन्तहरूले दिएकाछन्।
- RSS
