नयाँदिल्ली: भारतको पञ्जाब राज्यमा घरको छाना खस्दा एकै परिवारका पाँच सदस्यको मृत्यु भएको छ।
अमृतसरबाट करिब २८ किलोमिटर दक्षिणमा रहेको तरनतारन जिल्लाको पाण्डोरी गोला गाउँमा शनिबार बिहान ४:३० बजे घरको पुरानो छत अचानक भत्किएको थियो। दुर्घटनाका बेला परिवारका सदस्यहरू सुतिरहेका थिए।
स्थानीयले तत्काल उद्धार कार्य सञ्चालन गरी पीडितहरूलाई भग्नावशेषबाट बाहिर निकाले। तर, अस्पताल पुर्याउँदा चिकित्सकहरूले उनीहरूलाई मृत घोषित गरे। प्रहरीका अनुसार ज्यान गुमाउनेहरूमा एक दम्पती र तिनका तीन सन्तान छन्।
घर जीर्ण अवस्थामा रहेको प्रारम्भिक अनुसन्धानबाट खुलेको छ। स्थानीय प्रशासनले घटनाको अनुसन्धान अगाडि बढाएको छ।
- Jigyasa media
