पोखरा – सहकारीको रकम अपचलनसम्बन्धी अनुसन्धानका लागि पक्राउ परेका गोर्खा मिडिया प्रालिका पूर्व सञ्चालक तथा पूर्व डिआईजी छविलाल जोशीलाई थप ७ दिन हिरासतमा राख्न कास्की जिल्ला अदालतले अनुमति दिएको छ।
६ असोजमा काठमाडौंको शंखमुलबाट पक्राउ परेका जोशीलाई सोही दिन पोखरा ल्याइएको थियो। प्रारम्भिक रूपमा ५ दिन हिरासतमा राखेर अनुसन्धान गरिएपछि प्रहरीले थप ७ दिनको म्याद पाएको छ।
जोशीले आफ्नो बयानमा पोखराको सूर्यदर्शन सहकारीसँग कुनै संलग्नता नभएको दाबी गरेका छन्, तर संसदीय छानबिन समितिले गोर्खा मिडियामा ६५ करोडभन्दा बढी रकमको अपचलनमा उनको संलग्नता रहेको आरोप लगाएको छ।
- Jigyasa media
