जनकपुरधाम, माघ २९ – नेपाल–भारत सीमावर्ती क्षेत्रमा लामो समयदेखि चोरी, डाँका तथा अपहरण जस्ता आपराधिक गतिविधिमा संलग्न एक फरार अभियुक्त पक्राउ परेका छन्।
मोरङ ग्रामथान गाउँपालिका–२ निवासी ४० वर्षीय खड्कनारायण माझी लाई मोरङ र महोत्तरी प्रहरीको संयुक्त टोलीले नियन्त्रणमा लिएको हो।
प्रहरीका अनुसार माझी भारतको सितामढी तथा नेपालका महोत्तरी, सम्सी, गौशाला लगायतका क्षेत्रमा आपराधिक गतिविधिमा संलग्न थिए। उनी चोरी, डाँका, लुटपाट तथा अपहरण जस्ता गम्भीर मुद्दामा संलग्न रहेको आरोपमा प्रहरीको खोजी सूचीमा थिए।
माझीलाई पक्राउ गरी जिल्ला प्रहरी कार्यालय महोत्तरी ल्याइएको थियो। उनलाई सोमबार अदालतमा पेश गरिएको थियो, जसपछि महोत्तरी जिल्ला अदालत को आदेशअनुसार जलेश्वर कारागार चलान गरिएको प्रहरी प्रवक्ता नन्दकिशोर प्रसाद चौहान ले जानकारी दिएका छन्।
- Jigyasa media
