२७ भदौ, काठमाडौं – केन्द्रीय अनुसन्धान ब्यूरो (सीआईबी)ले ललितपुरको जाउलाखेलस्थित एक घरमा छापा मारेर अवैध रूपमा सञ्चालन भइरहेको कल सेन्टरबाट ५० जनालाई पक्राउ गरेको छ। पक्राउ पर्नेमा दुई जना चिनियाँ र एक फिलिपिनो नागरिक पनि छन्।
प्रहरीले अवैध कल सेन्टर सञ्चालन गर्नुका साथै अनलाइन जुवा खेलाउने र क्रिप्टो कारोबार गर्ने सूचनाको आधारमा बुधबार राति छापा मारेको हो।
सीआईबीका प्रवक्ता होविन्द्र बोगटीका अनुसार यस प्रकरणबारे थप अनुसन्धान भइरहेको छ।
- Jigyasa media
