रूपन्देही, वैशाख ८ — लुम्बिनी सांस्कृतिक नगरपालिका–२ अर्दौलास्थित दानव खोलामा पौडी खेल्दै गरेका तीन बालकमध्ये एकको शव फेला परेको छ भने बाँकी दुई बालक अझै बेपत्ता छन्। फेला परेका १४ वर्षीय बालक राजन यादवको शव डुबेको स्थान नजिकैबाट निकालिएको जिल्ला प्रहरी कार्यालय रुपन्देहीका प्रवक्ता प्रहरी नायब उपरीक्षक सुरज कार्कीले जानकारी दिए।

बालक राजन यादवको स्थायी ठेगाना अर्दौला भए पनि उनी बुबाआमासँग सैनामैनामा बस्दै आएका थिए। विद्यालय बिदा भएर दुई दिनअघि मात्र मूल घर आएका ती बालकको जन्मगाउँमै ज्यान गयो — यस्तो विडम्बना शब्दमा बर्णन गर्न गाह्रो छ।

बेपत्ता रहेका दुई बालक —

१३ वर्षीय उमेश यादव

१२ वर्षीय मन्नु हरिजन —

अझै खोजीमा छन्। प्रहरी, सशस्त्र र स्थानीयबासीहरू खोजी अभियानमा खटिएका छन्।

प्रत्यक्षदर्शीका अनुसार बालकहरू बगहा बाबा मन्दिर नजिकै पौडी खेल्दै गर्दा खोलाको गहिरो धारमा पुगेका थिए। खेलकै क्रममा भएको यो त्रासदीले स्थानीयहरूमा शोकको लहर छाएको छ। खोलामा पौडी खेल्दा सतर्कता अनिवार्य छ। कुनै पनि प्राकृतिक स्रोत सौन्दर्य मात्र होइन, खतरा पनि हो बालबालिकाको सुरक्षामा अभिभावक, विद्यालय र समुदाय सबैको उत्तरदायित्व रहन्छ।

• A