धादिङ – भक्तपुरबाट चितवनको देवघाटतर्फ गइरहेको तीर्थयात्री बोकेको बस दुर्घटनामा परेको छ। दुर्घटनामा एक जनाको ज्यान गएको छ भने २३ जना घाइते भएका छन्।
धादिङको थाक्रे गाउँपालिका–७, सात किलोस्थित पृथ्वी राजमार्गमा आइतबार राति बा ३ ख ८९२३ नम्बरको बस आफैं अनियन्त्रित भई दुर्घटनाग्रस्त भएको जिल्ला प्रहरी कार्यालय, धादिङले जनाएको छ।
घटनामा दोलखाकी ५० वर्षीया पार्वती काफ्ले गम्भीर घाइते भएकी थिइन्। उपचारका क्रममा उनलाई नेपाल प्रहरी अस्पताल, महाराजगन्ज लगिएको थियो, तर चिकित्सकहरूले उनलाई मृत घोषित गरे।
दुर्घटनामा परेकामध्ये तीन जनाको अवस्था गम्भीर रहेको छ भने अन्य घाइतेहरूको काठमाडौंका विभिन्न अस्पतालमा उपचार भइरहेको छ। घटनाको विस्तृत अनुसन्धान भइरहेको प्रहरीको
भनाइ छ।
- Jigyasa media
