पुष ४, २०८१ – बाराको महागढीमाई: बाराको महागढीमाई नगरपालिका–१, बरियापुर टोलमा दुई वर्षीया बालिका पानी भरेर राखिएको ड्रममा डुबेर ज्यान गुमाएको दुखद घटना सार्वजनिक भएको छ।
स्थानीय समिर रायकी छोरी अलिशा खातुन बिहीबार दिउँसो खेल्ने क्रममा पानीको ड्रममा डुबेकी थिइन्।
डुबेर अचेत अवस्थामा फेला परेपछि तत्कालै उपचारका लागि प्रादेशिक अस्पताल, कलैया लगिएको थियो। तर, चिकित्सकको प्रयासका बाबजुद पनि उनको निधन भएको प्रहरीले जानकारी दिएको छ।
प्रहरीले यस घटनाको थप अनुसन्धान अघि बढाएको छ। यस्ता घटनाबाट बच्न बालबालिकालाई सुरक्षित वातावरणमा राख्न र सतर्कता अपनाउन अभिभावकलाई अनुरोध गरिएको छ।
- Jigyasa media
