काठमाडौँ ।भक्तपुरको गट्ठाघरमा ट्राफिक प्रहरीले चेकजाँचका लागि रोकेको स्कुटरलाई ट्रकले पछाडिबाट ठक्कर दिँदा स्कुटर चालक महिलाको मृत्यु भएको छ।
प्रहरीका अनुसार बिहीबार बा ४९ प ८९४४ नम्बरको स्कुटरलाई ट्राफिक प्रहरीले चेकजाँचका लागि रोकेको थियो। त्यसै क्रममा ना ६ ख २१७३ नम्बरको ट्रक एक्कासि ब्रेक लाग्दा स्कुटरसहित चालकलाई घिसार्दै लग्यो।
घटनामा संलग्न महिलाको घटनास्थलमै मृत्यु भएको हो। यस घटनापछि स्थिति तनावपूर्ण बनेपछि सशस्त्र प्रहरीलाई पनि परिचालन गरिएको छ। मृतक महिलाको परिचय खुल्न बाँकी रहेको उपत्यका ट्राफिक प्रहरी प्रमुख एसएसपी जीवन श्रेष्ठले जानकारी दिएका छन्।
- Jigyasa media
