धरान | प्रधानमन्त्री केपी शर्मा ओलीले बिपी कोइराला स्वास्थ्य विज्ञान प्रतिष्ठान, धरानको १३औँ दीक्षान्त समारोहमा ६ सय ५७ विद्यार्थीलाई दीक्षित गरेका छन्।
समारोहमा प्रतिष्ठानका सन् २०१० देखि २०१७ सम्मका एमबिबिएस, बिडिएस, एमडी, एमएस, एमडिएस, डिएम, एमसिएच, बिएससी नर्सिङ र सन् २०१२ देखि २०१८ सम्मका एएससी नर्सिङ, बिएमएलटी, बिएमआइटी, एपिएस र पिएडी उपाधि हासिल गरेका विद्यार्थीलाई सम्मान गरिएको हो।
भारतका प्रख्यात शिक्षाविद् प्राडा ज्योतिर्मोय पल विशेष अतिथि रहेका समारोहमा सहकुलपति एवं स्वास्थ्य तथा जनसंख्यामन्त्री प्रदीप पौडेललगायत अन्य विशिष्ट व्यक्तिहरूको उपस्थिति थियो। कार्यक्रममा प्रतिष्ठानले प्रदान गर्दै आएका उत्कृष्टता पुरस्कार पनि विभिन्न उत्कृष्ट विद्यार्थीलाई वितरण गरियो।
- Jigyasa media
