विराटनगर । झापाको कमल गाउँपालिका–३, खानपानी टोलका २१ वर्षीय उज्ज्वल राईको करेन्ट लागेर मृत्यु भएको छ।
प्रहरीका अनुसार, रञ्जित राईका छोरा उज्ज्वल बुधबार दिउँसो करिब २ बजे ढ्याङ्ग्री खोलामा करेन्ट प्रयोग गरेर माछा मार्ने क्रममा आफैं करेन्टमा परेर गम्भीर घाइते भएका थिए।
उद्धारपछि अस्पतालमा मृत घोषणा
घटनापछि उनलाई आफन्तहरूले देखेर तत्काल प्रहरी चौकी केर्खामा जानकारी गराए। प्रहरी टोली पुगेपछि राईलाई उद्धार गरी दमकस्थित लाईफ लाइन अस्पताल लगिएको थियो। तर, दिउँसो करिब ३ बजे चिकित्सकले उनलाई मृत घोषणा गरेको जिल्ला प्रहरी कार्यालय झापाले जनाएको छ।
अनुसन्धान जारी
उज्ज्वलको शवलाई अहिले अस्पतालको शवगृहमा राखिएको छ। घटनाबारे थप अनुसन्धान भइरहेको प्रहरीले जनाएको छ।
-
Jigyasanepal
