काठमाडौं । हाल नेपालमा पश्चिमी वायु तथा स्थानीय प्रणालीको आंशिक प्रभाव रहेको मौसमविद्हरूले बताएका छन्।
शुक्रबार बिहान कोसी तथा मधेस प्रदेशसहित देशका पहाडी क्षेत्रहरूमा आंशिकदेखि सामान्य बदली देखिएको छ भने अन्य स्थानहरूमा मौसम सफा रहेको छ।
दिउँसो कोसी, लुम्बिनी, मधेस प्रदेशसहित पहाडी भूभागहरूमा आंशिकदेखि सामान्य बदली रहनेछ। अन्य ठाउँमा आंशिक बदलीको सम्भावना रहे पनि अधिकांश स्थानमा मौसम खुला रहने अनुमान गरिएको छ।
कोसी, मधेस, बागमती, गण्डकी र कर्णाली प्रदेशका केही पहाडी स्थानहरूमा मेघगर्जन र चट्याङसहित हल्का वर्षा हुन सक्ने सम्भावना छ।
गण्डकी र कर्णाली प्रदेशका उच्च पहाडी तथा हिमाली क्षेत्रहरूमा केही स्थानमा हल्का हिमपात हुन सक्ने महाशाखाले जनाएको छ। देशका अन्य हिमाली क्षेत्रमा पनि एक-दुई स्थानमा हिमपातको सम्भावना रहेको छ।
- Jigyasa media
