जिग्यासा नेपाल | वैशाख ७, आइतबार काठमाडौं – आइतबार देशका अधिकांश पहाडी भू–भाग आंशिकदेखि सामान्य बदलीमा ढाकिएका छन्, जबकि तराई र केही अन्य भागमा आकाश प्रायः खुल्ला रहने मौसम पूर्वानुमान महाशाखाले जनाएको छ।

कोशी प्रदेशसहित देशको मध्य र पश्चिमी पहाडी क्षेत्रमा मेघगर्जन र चट्याङसहित हल्कादेखि मध्यम वर्षा हुन सक्ने पूर्वानुमान गरिएको छ।

महाशाखाका अनुसार, दिनभरि कोशी, गण्डकी र कर्णाली प्रदेशका पहाडी र उच्च हिमाली क्षेत्रहरूमा आंशिकदेखि सामान्य बदली रहनेछ भने साँझपख कतिपय स्थानमा हल्का वर्षा वा हिमपातसमेत हुन सक्छ। राति पनि कोशी प्रदेशसहित गण्डकी र कर्णालीका पहाडी क्षेत्रमा बादल लाग्नेछ भने केही स्थानहरूमा मेघगर्जन र चट्याङसँगै वर्षा सम्भव छ।

यसैले आजको दिनमा ती क्षेत्रका बासिन्दाहरूले सतर्कता अपनाउन तथा आवश्यक सुरक्षा उपाय अवलम्बन गर्न महाशाखाले सुझाव दिएको छ। विशेषगरी उच्च पहाडी र हिमाली क्षेत्रमा यात्रा गर्न लागेकाहरूले मौसमअनुसारको तयारी गर्नुपर्ने आवश्यकता देखिएको छ ।

• H