बैतडी। जन्ती बोकेको बस दुर्घटनामा पर्दा बैतडीमा ८ जनाको ज्यान गएको छ भने ४५ जना घाइते भएका छन्।
दुर्घटना बिहीबार साँझ पुर्चौडी नगरपालिका–७ बडगाउँ मोडमा भएको हो। पुर्चौडीबाट बझाङतर्फ जन्ती लिएर जाँदै गरेको पवनदूत यातायातको सुपप्र ०२००१ ख १११९ नम्बरको बस अनियन्त्रित भई सडकबाट करिब २०० मिटर तल खसेको प्रहरीले जनाएको छ।
दुर्घटनामा घाइते भएकामध्ये केहीको अवस्था गम्भीर रहेको बताइएको छ। घटनापछि स्थानीय बासिन्दा र सुरक्षाकर्मीहरू उद्धार कार्यमा खटिएका छन्। घाइतेहरूलाई उपचारका लागि नजिकका स्वास्थ्य संस्थामा पठाइएको छ।
दुर्घटनाको कारणबारे थप अनुसन्धान भइरहेको प्रहरीले जनाएको छ।
-
Jigyasanepal
