काठमाडौं, भदौ ७ गते शनिबार।
मौसम पूर्वानुमान महाशाखाले आज दिउँसोदेखि रातिसम्म देशका विभिन्न भागमा मध्यमदेखि भारी वर्षा हुने सम्भावना रहेको चेतावनी दिएको छ। महाशाखाले बिहान ६ बजे जारी गरेको २४ घण्टे बुलेटिनअनुसार आज मनसुन गतिविधि केही बढ्ने देखिएको छ।
✦ दिउँसोको पूर्वानुमान
देशभर सामान्यतया आकाश बदली रहनेछ।
पहाडी भूभागका केही स्थान र तराईका थोरै भागमा मध्यम वर्षा हुने सम्भावना।
लुम्बिनी प्रदेशको तराई भूभाग, बागमती, कर्णाली र सुदूरपश्चिम प्रदेशका पहाडी क्षेत्रमा एक-दुई स्थानमा भारी वर्षा हुने उच्च सम्भावना।
✦ रातिको पूर्वानुमान
मधेस, कोसी, बागमती र गण्डकी प्रदेशसहित देशका अधिकांश पहाडी भूभागमा आकाश साधारणतया बदली रहनेछ।
ती प्रदेशका केही स्थान र बाँकी भूभागका थोरै स्थानमा मध्यम वर्षा हुने पूर्वानुमान।
गण्डकीको पहाड र लुम्बिनीको तराईका एक-दुई स्थानमा भारी वर्षा पर्न सक्ने।
✦ मनसुन गतिविधि र कारण
महाशाखाका अनुसार हाल मनसुनको न्यूनचापीय रेखा सरदर स्थान नजिकै छ। साथै, बंगालको खाडीबाट जलवाष्पयुक्त हावा प्रवेश गरिरहेकोले वर्षा गतिविधि तीव्र हुने देखिएको हो।
✦ वर्षाको परिभाषा
मौसमविद्हरूका अनुसार :
१० मि.मि. भन्दा कम = हल्का वर्षा
१० देखि ५० मि.मि. = मध्यम वर्षा
५० देखि १०० मि.मि. = भारी वर्षा
१०० देखि २०० मि.मि. = धेरै भारी वर्षा
२०० मि.मि. भन्दा माथि = अति भारी वर्षा
✦ वर्षा सम्भावनाको दायरा
एक-दुई स्थानमा वर्षा = १०% भन्दा कम क्षेत्रफल
थोरै स्थानमा वर्षा = १०%–३०% क्षेत्रफल
केही स्थानमा वर्षा = ३०%–५०% क्षेत्रफल
धेरै स्थानमा वर्षा = ५०%–८०% क्षेत्रफल
अधिकांश स्थानमा वर्षा = ८०% भन्दा बढी क्षेत्रफल
👉 मौसमविद्हरूले पहिरो, बाढी र नदी–नाला उर्लिने खतरा रहेकाले विशेष सतर्कता अपनाउन र सम्भावित जोखिम क्षेत्र नजिक नजान आग्रह गरेका छन्।
-
Jigyasanepal
