काठमाडौं, भदौ ८ ।
मौसम पूर्वानुमान महाशाखाले आज आइतबार दिउँसो र रातिको मौसमबारे चेतावनी जारी गरेको छ। महाशाखाले बिहान ६ बजे सार्वजनिक गरेको २४ घण्टे बुलेटिनअनुसार देशभर सामान्य बदली रहने र केही स्थानमा भारी वर्षा तथा हुरीसमेतको सम्भावना रहेको छ।
🔹 दिउँसोको स्थिति :
देशभर साधारणतया बदली रहनेछ।
बागमती, गण्डकी, कर्णाली र सुदूरपश्चिमका पहाडी भूभागका केही स्थान र अन्य तराईका थोरै स्थानमा मध्यम वर्षा हुने अनुमान गरिएको छ।
बागमती र कर्णालीका पहाडी भूभागका एक–दुई स्थानमा भारी वर्षा हुने सम्भावना छ।
मधेस, कोसी र लुम्बिनी प्रदेशका तराई भूभागमा हुरी चल्ने खतरा छ।
🔹 रातिको स्थिति :
मधेस, कोसीसहित देशका अन्य पहाडी भूभागमा साधारण बदली रहनेछ।
बाँकी क्षेत्रमा आंशिक बदली मात्र रहनेछ।
कोसी, मधेस, बागमती र गण्डकी प्रदेशका केही स्थानमा मध्यम वर्षा हुने देखिन्छ।
गण्डकी प्रदेशका पहाडका एक–दुई स्थानमा भारी वर्षा हुने सम्भावना छ।
महाशाखाले तराई क्षेत्रमा हुरीको सम्भावना उच्च रहेकाले सतर्कता अपनाउन सबैलाई आग्रह गरेको छ।
-
Jigyasanepal
