काठमाडौं । भदौ १४ ।
"शिक्षा भनेको उज्यालो भविष्यको आधार हो" यही विश्वासका साथ SS Foundation ले विपन्न तथा ग्रामीण विद्यालयका बालबालिकालाई निरन्तर अध्ययन सामग्री वितरण गर्दै आएको छ।
यसै क्रममा, धनुषा जिल्लाको श्री जनता आधारभूत विद्यालयका विद्यार्थीहरूलाई झोला तथा स्कुल ब्याग हस्तान्तरण गरिएको छ।
आज काठमाडौंको होटल तपस, बत्तिसपुतलीमा आयोजित कार्यक्रममा संस्थाका संरक्षक, वरिष्ठ समाजसेवी तथा गीतकार सोभित उप्रेती ले सामाजिक तथा राजनीतिक व्यक्तित्व प्रेक्षा मल्ललाई अध्ययन सामग्री हस्तान्तरण गर्नुभयो।
SS Foundation का अनुसार, यस अभियानको मुख्य लक्ष्य “शिक्षा प्राप्त गर्ने अधिकारबाट कुनै पनि बालबालिका वञ्चित नहोस्” भन्ने हो।
संरक्षक उप्रेतीले निरन्तर सामाजिक उत्तरदायित्वसहित बालबालिकाको उज्यालो भविष्य निर्माणमा सक्रिय रहँदै आएका छन्।
शैक्षिक सहयोगका यस्ता अभियानहरूले ग्रामीण विद्यालयका विद्यार्थीलाई हौसला प्रदान गर्ने मात्र नभई, समाजमा शिक्षा प्रतीको चेतना र जिम्मेवारीको भावना अझै मजबुत बनाउन मद्दत गर्ने विश्वास लिइएको छ ।
-
Jigyasanepal
