जाजरकोट, कात्तिक २८ - फोर्स गाडी दुर्घटनामा गम्भीर घाइते भएका भेरी-५ निवासी ६६ वर्षीय धर्म चन्दको निधन भएको छ। उनलाई थप उपचारका लागि नेपालगन्ज लैजाने क्रममा बाँकेको चिसापानीमा बाटोमै मृत्यु भएको जिल्ला प्रहरी कार्यालय जाजरकोटका डीएसपी पुरुषोत्तमप्रसाद पाण्डेले जानकारी दिए। मृतक चन्द दुर्घटना भएको गाडी चालकका पिता रहेको जनाइएको छ।
यस दुर्घटनामा ३२ जना घाइते भएका थिए, जसमा ११ जनालाई हेलिकप्टरमार्फत र अन्य ४ जनालाई गाडीबाट सुर्खेतको प्रदेश अस्पताल पठाइएको थियो।
- Jigyasa media
