टीकापुर – कैलालीका दक्षिणी क्षेत्रहरू भीषण असिनापानीको चपेटामा परेका छन्। शनिबार बिहान भजनी नगरपालिका र टीकापुर नगरपालिकाका विभिन्न स्थानमा ठूलो मात्रामा असिना सहित पानी परेको स्थानीयहरूले बताएका छन्।
हिउँदेबाली उत्पादनमा कमी आउने चिन्ता भइरहेका बेला परेको पानीले किसानलाई केही राहत दिएको भए पनि असिनाले गहुँ, तोरी लगायतका बालीमा क्षति पुर्याएको छ।
भजनी नगरपालिकाका किसान खेमराज पाण्डेका अनुसार असिनाले तोरी र गहुँबालीमा असर पुर्याएको छ। "थोरै समयमा ठूलो मात्रामा असिना पर्यो। केही समय अझै परेको भए क्षति झनै बढ्थ्यो," उनले बताए।
सुदूरपश्चिमका पहाडी जिल्लामा हिमपात र तराईका विभिन्न स्थानमा वर्षासँगै असिना परेपछि मौसम प्रभावित भएको छ।
- Jigyasa media
