हुम्ला, फागुन २८ – हुम्लाको सर्केगाड गाउँपालिका–८ मा माटो खन्ने क्रममा ढिस्कोले पुरिँदा एक जनाको मृत्यु भएको छ भने चार जना घाइते भएका छन्।
घर लिपपोतका लागि माटो संकलन गर्ने क्रममा सर्केगाड गाउँपालिका–७ की २८ वर्षीया नेत्रकला जैसी को मृत्यु भएको जिल्ला प्रहरी कार्यालय हुम्लाले जनाएको छ।
प्रहरीका अनुसार सोही घटनामा परी तीर्थकला जैसी, मञ्जली जैसी, बालकी जैसी र लक्ष्मी जैसी घाइते भएका छन्। घाइतेहरूको उमेर २५ देखि २८ वर्ष बीच रहेको जनाइएको छ।
प्रहरीका अनुसार घटनास्थलमै नेत्रकला जैसीको मृत्यु भएको हो। घाइतेहरूको स्थानीय स्वास्थ्य संस्थामा उपचार भइरहेको छ।
- Jigyasa media
