बाँके । बाँके राष्ट्रिय निकुञ्ज अन्तर्गत खडकबार हात्तीसारमा कार्यरत एक कर्मचारीको घरपालुवा हात्तीको आक्रमणबाट मृत्यु भएको छ।
बर्दियाको ठाकुरबाबा गाउँपालिका-९, बानुगाउँ निवासी ४५ वर्षीय आशाराम थारु बुधबार राति हात्तीलाई घाँस खुवाउने क्रममा आक्रमणमा परेका थिए। घटनास्थलमै उनको ज्यान गएको जिल्ला प्रहरी कार्यालय बाँकेका सूचना अधिकारी, प्रहरी नायब उपरीक्षक (डीएसपी) दीपक पातलीले पुष्टि गरेका छन्।
निकुञ्ज प्रशासनका अनुसार आक्रमण गर्ने उक्त हात्ती यसअघि पनि धेरै व्यक्तिलाई आक्रमण गरिसकेको छ। सुरक्षा जोखिमलाई ध्यानमा राख्दै थप अनुसन्धान तथा आवश्यक कदम चालिने सम्बन्धित निकायले जनाएको छ।
- Jigyasa media
