बागलुङ। बागलुङको ढोरपाटनमा हत्या आरोपमा एक व्यक्ति पक्राउ परेका छन्। ढोरपाटन नगरपालिका-९ दुवालका ३२ वर्षीया कुमारी बिकको हत्या अभियोगमा सोही स्थानकी ३१ वर्षीया तानसरा बिक पक्राउ परेकी हुन्।
प्रहरीका अनुसार घरायसी विवादका क्रममा तानसराले दाउराले प्रहार गर्दा कुमारीको घटनास्थलमै मृत्यु भएको थियो। घटना भएपछि सूचना पाउँदै प्रहरी चौकी ढोरपाटनबाट खटिएको टोलीले मंगलबार तानसरालाई पक्राउ गरेको हो।
जिल्ला प्रहरी कार्यालयले घटनाको थप अनुसन्धान भइरहेको जनाएको छ।
- Jigyasa media
