महोत्तरी ।
महोत्तरी जिल्लाको मनरा शिसवा नगरपालिका-४, साढामा डाँका समूहले एक वृद्धको हत्या गरी घरबाट नगद र गरगहना लुटेर लगेको छ।
आज बिहान करिब ४ बजे ७/८ जनाको सङ्ख्यामा आएका डाँकाहरूले ७० वर्षीय सुशील झाको हत्या गरेका हुन्। उनी पूर्व गाविस सचिव थिए।
लुटपाट र हत्या
डाँकाहरूले झाको हत्या गरी घरमा रहेका मङ्गलसूत्र, औंठी, र करिब ८० हजार नगद लुटेको जिल्ला प्रहरी कार्यालय महोत्तरीका प्रवक्ता डीएसपी सन्तुलाल जयसवारले जनाएका छन्।
प्रहरी अनुसन्धान जारी
घटनाबारे थप अनुसन्धान भइरहेको र डाँका समूहको पहिचान र पक्राउका लागि प्रयास भइरहेको प्रहरीको भनाइ छ। यस घटनाले स्थानीय बासिन्दामा त्रास फैलिएको छ।
- Jigyasa media
