अर्घाखाँची - छत्रदेव गाउँपालिका–८, सानो चेक्मीमा भीरबाट लडेर एक व्यक्तिको घटनास्थलमै मृत्यु भएको छ। सानो चेक्मी माझको भीरस्थित गोरेटोबाटोमा लडेर सिन्धुपाल्चोकका ५० वर्षीय विष्णु रोकाको मृत्यु भएको हो। जिल्ला प्रहरी कार्यालय अर्घाखाँचीका सूचना अधिकारी विष्णुप्रसाद पौडेलका अनुसार रोकाको शव लगभग ४ सय मिटर तल फेला परेको छ।
प्रहरीले रोकाको शवलाई पोष्टमार्टमका लागि अर्घाखाँची अस्पतालमा पठाउने तयारी गरेको छ। घटनाको विस्तृत अनुसन्धान जारी रहेको प्रहरी निरीक्षक पौडेलले जानकारी दिएका छन्।
- Jigyasa media
