काठमाडौं- बालिका बलात्कार आरोपमा पक्राउ परेका सशस्त्र प्रहरी जवान रेवन पचभैया मगर दाङ जिल्ला प्रहरी कार्यालयको हिरासतमा मृत फेला परेका छन्। जिल्ला प्रहरी कार्यालय दाङका अनुसार पचभैया शौचालयको भेन्टिलेसनमा आफ्नै कपडाको पासो लगाएर झुण्डिएको अवस्थामा भेटिएका हुन्।
प्रहरी स्रोतका अनुसार पचभैयाले शौचालयको धारा खोलेर पानीको आवाज उत्पन्न गरेका कारण बाहिर रहेका व्यक्तिहरूले तुरुन्तै केही थाहा पाएनन्।
दाङको २९ नं. ज्वालामाई गणमा कार्यरत रहेका पचभैया र सहायक हवल्दार भरत रोका मगरलाई गत असोज २४ गते पिङ खेल्न आएकी ८ वर्षीया बालिकामाथि बलात्कार गरेको आरोपमा पक्राउ गरिएको थियो।
- Jigyasa media
