कात्तिक ३, पोखरा – सूर्यदर्शन बचत तथा ऋण सहकारी संस्था लिमिटेड पोखरासँग जोडिएको सहकारी ठगी र सङ्गठित अपराधसम्बन्धी मुद्दामा अनुसन्धानका लागि राष्ट्रिय स्वतन्त्र पार्टीका सभापति रवि लामिछानेलाई गए राति पोखरा ल्याइएको छ।
जिल्ला अदालत कास्कीले अनुसन्धान गर्न अनुमति दिएपछि शुक्रबार काठमाडौँबाट पक्राउ गरिएका लामिछानेलाई सडक मार्गबाट पोखरा ल्याइएको हो।
लामिछानेको स्वास्थ्य परीक्षण पोखरा स्वास्थ्य विज्ञान प्रतिष्ठानमा गरिएको थियो, र उनलाई शनिबार बिहान ३ बजे देखि जिल्ला प्रहरी कार्यालय कास्कीमा राखिएको छ।
सरकारी बिदा परेकाले उनी आइतबार मात्र अदालतमा उपस्थित गराइने भएको छ।
- Jigyasa media
