काभ्रे, साउन २ गते | साँझ १८:४५ बजे

काभ्रेपलाञ्चोकको भूम्लु गाउँपालिका–१०, चौँवन्न किलोस्थित अरनिको राजमार्गमा शुक्रबार साँझ टिफर र मोटरसाइकल एकआपसमा ठोक्किँदा एक युवक गम्भीर घाइते भएका छन्।

प्राप्त जानकारी अनुसार, दोलालघाटबाट पाँचखालतर्फ जाँदै गरेको बा ४ ख ४८६८ नम्बरको टिफर र विपरीत दिशाबाट आइरहेको लु ९६ प ९२८५ नम्बरको मोटरसाइकल आपसमा ठोक्किँदा दुर्घटना भएको हो।

दुर्घटनामा परेका मोटरसाइकल चालक अन्दाजी २४/२५ वर्ष उमेरका पुरुष घाइते भएका छन्। हाल घाइतेको नाम, थर र स्थायी ठेगाना खुल्न सकेको छैन। उनलाई गम्भीर अवस्थामा बोल्न नसक्ने अवस्थामा उपचारका लागि तत्काल धुलिखेल अस्पताल पठाइएको प्रहरीले जनाएको छ।

घाइते व्यक्तिको दायाँ खुट्टामा गहिरो चोट लागेको छ भने उनको अवस्था चिन्ताजनक रहेको जनाइएको छ।

घटनास्थलमा तत्कालै प्रहरी टोली खटिएको थियो र घाइतेलाई उद्दार गरी अस्पताल पुर्याइएको छ। हालसम्म उक्त मोटरसाइकलमा सवार व्यक्तिको पहिचान खुल्न नसकेकोले प्रहरी प्रशासनले आम सर्वसाधारण तथा सम्भावित आफन्तजनलाई अस्पताल वा प्रहरी सम्पर्क गर्न अनुरोध गरेको छ।

📞 सम्पर्कका लागि:

जिल्ला प्रहरी कार्यालय, काभ्रे

☎ ९८५१२३७३३९ / ९८५१२८४३७६ / ९८५११२३८०५

दुर्घटनाबारे थप अनुसन्धान भइरहेको जिल्ला प्रहरी कार्यालय काभ्रेपलाञ्चोकले जानकारी दिएको छ। प्रहरीले दुबै सवारी साधनलाई नियन्त्रणमा लिएको छ।

नोट:

यदि तपाईं उक्त मोटरसाइकल चालकको चिनजानमा हुनुहुन्छ वा पहिचान गर्न सक्नुहुन्छ भने, कृपया तत्काल धुलिखेल अस्पताल वा माथि उल्लेखित प्रहरी नम्बरमा सम्पर्क गर्नुहोस्।

• Jigyasanepal