झापातर्फ जाँदै गरेको बस तेह्रथुममा पल्टिँदा १४ जना घाइते, एकको अवस्था गम्भीर -- Jigyasanepal

झापातर्फ जाँदै गरेको बस तेह्रथुममा पल्टिँदा १४ जना घाइते, एकको अवस्था गम्भीर

९ महिना अघि | १७ साउन २०८२, शनिबार

तेह्रथुम / साउन १७ –

सङ्खुवासभाबाट झापातर्फ जाँदै गरेको यात्रुवाहक बस शनिबार तेह्रथुमको देउराली घुम्तीमा दुर्घटनाग्रस्त हुँदा १४ जना यात्रु घाइते भएका छन्। घाइतेमध्ये एकजनाको अवस्था गम्भीर छ।

बा २ प ७२४४ नम्बरको बस सङ्खुवासभाको धर्मदेवी नगरपालिका–९ मूलगाउँबाट झापा दमकतर्फ जाँदै गर्दा लालीगुराँस नगरपालिका–१ स्थित देउराली घुम्तीमा अनियन्त्रित भई सडकबाट करिब १० मिटर तल खसेको थियो।

तेह्रथुम जिल्ला प्रहरी कार्यालयका प्रहरी नायब उपरीक्षक लीलाराज लामिछानेका अनुसार बस दुर्घटनापछि २३ वर्षीय सविन विष्टको अवस्था गम्भीर रहेकाले उनलाई थप उपचारका लागि बीपी कोइराला स्वास्थ्य विज्ञान प्रतिष्ठान, धरान पठाइएको छ। बाँकी घाइतेहरूको वसन्तपुर अस्पतालमा उपचार भइरहेको छ।

घाइतेहरूको नामावली:

सविन विष्ट (२३), धर्मदेवी–९

भवानी कार्की (२५), धर्मदेवी–७

असीमित भारती (७)

हीरा भारती (९)

रत्नमाया कटुवाल (५६)

विष्णु कटुवाल (१२)

मनकुमार कटुवाल

धनमाया चापागाईं (५२)

श्रीमान तामाङ (५२), धर्मदेवी–६

प्रतिमा कटुवाल (१५)

सोममाया याईम (१६)