झापा, कात्तिक ३० - झापाको मेचीनगर नगरपालिका–१० स्थित निन्दा खोलाको छेउमा एक नवजात शिशु (छोरी) फेला परेको छ। स्थानीयहरूले घारीमा कमिलाले टोकेर रगत आएको अवस्थामा जिउँदै फेला पारेपछि शिशुलाई तुरुन्तै उद्धार गरी इलाका प्रहरी कार्यालय धुलाबारीमा बुझाएका छन्।
झापा प्रहरीका अनुसार शिशुको अवस्था सामान्य रहेको छ, तर उसको पहिचान अझै हुन सकेको छैन। यस विषयमा अनुसन्धान अगाडि बढाइएको र शिशुलाई त्यहाँ कसले राख्यो भन्नेबारे जानकारी संकलन भइरहेको डीएसपी कृष्ण चन्दले जानकारी दिए।
- Jigyasa media
