कपिलवस्तु, असार ५ । कपिलवस्तुको विजयनगर गाउँपालिका–५ नौरंगियामा चट्याङ लागेर एक महिलाको दुर्भाग्यपूर्ण मृत्यु भएको छ। मृत्यु हुनेमा करिब ४० वर्षीया जन्ममति यादव रहेको इलाका प्रहरी कार्यालय गणेशपुरले पुष्टि गरेको छ। बुधबार साँझ भैंसी चराउन खेततर्फ गएकी यादवलाई चट्याङले समाएको र घटनास्थलमै ज्यान गएको प्रहरी निरीक्षक हर्षबहादुर चन्दले जानकारी दिए।
मृतकको शव पोष्टमार्टमका लागि शिवराज अस्पताल, बहादुरगन्ज पठाइएको छ। मौसमविद्हरूले असार महिनामा देशभर चट्याङसहितको वर्षाको सम्भावना उच्च रहेको भन्दै सावधानी अपनाउन आग्रह गर्दै आएका छन्।
-
Jigyasanepal
