काठमाण्डौ ।
हाल नेपालमा पश्चिमी वायु र न्यून चापीय प्रणालीको आंशिक प्रभाव देखिएको जल तथा मौसम विज्ञान विभागले जनाएको छ। कोशी, मधेश, बागमती र गण्डकी प्रदेशमा आंशिकदेखि सामान्य बदली रहनेछ भने अन्य स्थानमा मौसम खुला रहनेछ।
तराईका केही भू-भागमा बिहानपख हुस्सु र कुहिरो लाग्ने सम्भावना छ, जसले दैनिक जनजीवन, स्वास्थ्य, सडक तथा हवाई यातायातमा असर पार्न सक्छ।
दिउँसोको मौसम पूर्वानुमान
- पहाडी भू-भागमा आंशिकदेखि सामान्य बदली रहने।
- बाँकी स्थानमा आंशिक बदली वा खुला मौसम रहने।
- कोशी, बागमती र गण्डकी प्रदेशका उच्च पहाडी तथा हिमाली भू-भागमा हल्का हिमपातको सम्भावना।
- गण्डकी, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रमा पनि केही स्थानमा हल्का हिमपात हुन सक्ने।
विभागले तराई क्षेत्रमा बिहानको हुस्सु-कुहिरो तथा हिमाली भेगको चिसोबाट बच्न सतर्कता अपनाउन आग्रह गरेको छ।
- Jigyasa media
