काठमाडौं । देशका केही भागमा आज मेघगर्जनसहित वर्षा हुनसक्ने मौसमविद्हरूले बताएका छन्। विशेषगरी पूर्वी नेपालमा वर्षाको सम्भावना बढी रहेको छ।
मौसम पूर्वानुमान अनुसार कोसी, वाग्मती र कर्णाली प्रदेशका पहाडी क्षेत्रमा मेघगर्जनसहित वर्षा हुने अनुमान गरिएको छ। सुदूरपश्चिम र कर्णाली प्रदेशका केही स्थानमा पनि वर्षा हुनसक्ने सम्भावना रहेको छ।
काठमाडौं उपत्यकामा अपराह्नपछिको समय केही बादल लाग्ने भए पनि वर्षाको सम्भावना न्यून रहेको छ।
आज बिहान काठमाडौंको न्यूनतम तापक्रम ९ डिग्री सेल्सियस मापन गरिएको छ। कोसी प्रदेशलगायतका पहाडी क्षेत्रमा आंशिकदेखि सामान्य बदली रहेको छ भने बाँकी भूभागमा मौसम सामान्यतया सफा छ।
त्यसैगरी, कोसी, वाग्मती र गण्डकी प्रदेशका उच्च पहाडी तथा हिमाली क्षेत्रमा हल्का हिमपात हुनसक्ने अनुमान गरिएको छ। हाल देशमा पश्चिमी वायु र स्थानीय वायुको प्रभाव कायम रहेको छ।
- Jigyasa media
