काठमाडौं । नेपालका केही क्षेत्रमा आज पनि मौसम बदली भएको छ। जल तथा मौसम विज्ञान विभागका अनुसार पश्चिमी वायु तथा स्थानीय वायुको प्रभावका कारण मौसममा परिवर्तन देखिएको हो।
विभागको मौसम पूर्वानुमान महाशाखाका अनुसार आज देशका पहाडी भूभागमा आंशिक बदली रहँदा अन्य स्थानमा मौसम मुख्यतः सफा रहनेछ।
कोशी, गण्डकी र कर्णाली प्रदेशका पहाडी क्षेत्रमा एक-दुई स्थानमा मेघगर्जन तथा चट्याङसहित हल्का वर्षा हुन सक्ने अनुमान गरिएको छ। साथै, ती प्रदेशका हिमाली तथा उच्च पहाडी क्षेत्रमा हल्का हिमपातको सम्भावना समेत रहेको महाशाखाले जनाएको छ।
- Jigyasa media
