मध्यविन्दु — नवलपरासी (बर्दघाट–सुस्तापूर्व) को कावासोती नगरपालिका–१ का वडाध्यक्ष तवारक अहमद मियाँको हृदयघातका कारण असामयिक निधन भएको छ।
राष्ट्रिय युवा संघ नेपाल नवलपुरको दशौँ जिल्ला अधिवेशनमा सहभागी भइरहेका बेला उनी अचानक ढलेका थिए। कार्यक्रमस्थल गैँडाकोटमै बेहोस भएपछि उनलाई तत्काल चितवन मेडिकल कलेज लगिएको थियो, जहाँ चिकित्सकले उनलाई मृत घोषित गरेका थिए।
३७ वर्षीय मियाँ एमालेबाट निर्वाचित जनप्रतिनिधि थिए। उनले राष्ट्रिय युवा संघ नेपाल नवलपुरका सहसचिवका रूपमा पनि सक्रिय भूमिका निर्वाह गर्दै आएका थिए। उनका श्रीमती, तीन छोरी र एक छोरा रहेका छन्।
- Jigyasa media
