जेठ २९, २०८२ | हेटौंडा
बागमती प्रदेशमा मौसमको अचानक रूप परिवर्तनसँगै परेको चट्याङले मानवीय र भौतिक दुबै क्षति पुर्याएको छ। बिहीबार अपराह्न परेको चट्याङबाट बागमती गाउँपालिका–२ का ३२ वर्षीय कृष्णबहादुर श्रेष्ठ गम्भीर घाइते भएका छन्।
कम्मरभन्दा तल नचल्ने अवस्था
प्रहरीका अनुसार, श्रेष्ठ घरमै बसिरहेको बेला चट्याङको चपेटामा परेका हुन्। अहिले उनी स्थानीय स्वास्थ्य चौकीमा उपचाररत छन्। प्रारम्भिक रिपोर्ट अनुसार, चट्याङ लागेपछि उनको कम्मरमुनिको भाग चलेको छैन।
घरमा आंशिक क्षति
सोही गाउँमा रहेको कमलजंग रानामगरको जस्ताले छाएको एक तले घरमा पनि चट्याङले क्षति पुर्याएको छ। घरको छाना र केही भित्ताहरू चर्किएका छन्।
बुधबार मात्रै मकवानपुरको कैलाश गाउँपालिका - ९ का १४ वर्षीय कान्छा गोलेको चट्याङ लागेर मृत्यु भएको थियो। लगातारको खराब मौसमले स्थानीय बासिन्दाहरू त्रसित बनेका छन् ।
- K
