कजाकिस्तान – कजाकिस्तानमा बुधबार ६७ यात्रु बोकेको एक विमान दुर्घटनामा परेको छ। विपत् व्यवस्थापन मन्त्रालयका अनुसार, दुर्घटनापछि २५ जनालाई जीवितै उद्धार गरिएको छ भने तीमध्ये २२ जनालाई अस्पतालमा भर्ना गरिएको छ।
दुर्घटनामा परेको विमान एम्ब्रेयर १९० मोडलको थियो, जसमा ६२ यात्रु र चालक दलका पाँच सदस्य गरी ६७ जना सवार थिए। उक्त विमान अजरबैजान एयरलाइन्सले सञ्चालन गर्दै आएको थियो।
विमान अक्ताउ शहर नजिकै खसेपछि आगलागी भएको स्थानीय अधिकारीहरूले जनाएका छन्। हालसम्म दुर्घटनाको स्पष्ट कारण खुल्न नसकेको भए पनि आँधीबेहरीका कारण विमानलाई गन्तव्यबाट मोडिएको जानकारी प्राप्त भएको छ।
दुर्घटनाग्रस्त विमान अजरबैजानको राजधानी बाकुबाट रुसको ग्रोज्नी जाँदै थियो। विमान दुर्घटनाको थप अनुसन्धान भइरहेको छ।
- Jigyasa media
