काठमाडौँ । खैरहनी: खैरहनी नगरपालिकामा मोटरसाइकल दुर्घटना हुँदा इलाका प्रहरी कार्यालय मनहरीमा कार्यरत प्रहरी वरिष्ठ हवल्दारको मृत्यु भएको छ।
खैरहनी–८ स्थित बाबा पेट्रोलपम्प नजिकै पूर्वपश्चिम राजमार्गमा मनहरिबाट खोलेसिमलतर्फ गइरहेको बागमती प्रदेश ०३–००३ प ६३७ नम्बरको मोटरसाइकल दुर्घटनामा परेपछि लमजुङ राइनस नगरपालिका–६ धमेलीकुवा र हाल रत्ननगर नगरपालिका–१५, खोलेसिमलका ४३ वर्षीय हेमन्तकुमार श्रेष्ठ गम्भीर घाइते भएका थिए।
गम्भीर घाइते श्रेष्ठको चितवन मेडिकल कलेज भरतपुरमा उपचारका क्रममा मृत्यु भएको जिल्ला प्रहरी कार्यालयका प्रवक्ता भेषराज रिजालले जानकारी दिए। मोटरसाइकल दुर्घटनाको विषयमा थप अनुसन्धान भइरहेको प्रहरीले जनाएको छ।
- Jigyasa media
