काठमाडौं ।  खानेपानीमन्त्री प्रदीप यादवले आम नागरिकलाई शुद्ध र स्वच्छ खानेपानी उपलब्ध गराउन सरकारले अल्पकालीन, मध्यकालीन, र दीर्घकालीन योजना तयार गरी कार्यान्वयनमा ल्याएको बताएका छन्। 

राष्ट्रियसभाको आजको बैठकमा सांसद मदनकुमार साह गरिमाले सोधेको प्रश्नको जवाफ दिने क्रममा मन्त्री यादवले मेलम्ची खानेपानी आयोजनालाई आगामी असोजको पहिलो सातादेखि पुनःसञ्चालनमा ल्याउने योजना रहेको जानकारी गराए। यसले काठमाडौंवासीलाई खानेपानी सुविधा पुनः प्राप्त हुने उनले बताए। 

मौसममा सुधार भएपछि मेलम्ची आयोजनाको सुरुङमा पानी पठाउने तयारी भइरहेको उनले स्पष्ट पारे। हाल मेलम्चीको पानी नियमित उपलब्ध हुन नसकेकाले वैकल्पिक उपाय अवलम्बन गर्दै काठमाडौंवासीलाई पानी वितरण भइरहेको छ। 

मन्त्री यादवले मेलम्ची आयोजनाको बाँधस्थललाई सुरक्षित राख्दै नियमित पानी आपूर्ति गर्न सरकारले विभिन्न कार्यक्रम अघि बढाएको र यसका लागि आवश्यक पहल भइरहेको बताए। 

तराई–मधेश क्षेत्रमा डिप बोरिङमार्फत खानेपानी उपलब्ध गराउने प्रयास भए पनि पानीको स्रोत सुकेका कारण केही समस्या देखिएको उनले स्वीकारे। अधुरा खानेपानी आयोजना समयमै सम्पन्न गराउन मन्त्रालयले आवश्यक पहल गरिरहेको छ, र बजेटको व्यवस्था गर्न अर्थमन्त्रालयलाई आग्रह पनि गरिएको

• Jigyasa media